Tekinn á 160 kílómetra hraða á Reykjanesbrautinni - sektin 140 þúsund

Lögreglumenn á Suðurnesjum stöðvuðu í dag ökumann sem ók bifreið sinni á 163 km/klst hraða á Reykjanesbraut en þar er hámarkshraði 90 km/klst. Samkvæmt reglugerð um sektir og viðurlög vegna brota á umferðarlögum er sektarfjárhæðin við broti ökumannsins 140.000 krónur.

Er þetta fyrirsögnin á ferðamannabæklingum sem við íslendingar viljum sjá.

"Ísland - landið þar sem þú upplifir spennuna - í ám, á eldfjöllum - og vissulega í umferðinni!!"


Dani skammar Íslendinga - gefið stefnuljós (visir.is)

Þessi hegðun er óásættanleg hvar er náungakærleikurinn?

Innlent | mbl | 12.4.2012 | 13:23

Ók rakleiðis af vettvangi slyss

mbl.is/Júlíus Sigurjónsson

Lögreglan á höfuðborgarsvæðinu óskar eftir vitnum að umferðarslysi sem varð á Reykjanesbraut í Reykjavík um ellefuleytið að kvöldi páskadags, sunnudaginn 8. apríl. Þar var svartri BMW-bifreið ekið í veg fyrir bifhjól með þeim afleiðingum að ökumaður þess missti stjórn á hjólinu, ók á vegkant og kastaðist síðan af því. Hann var fluttur á slysadeild til aðhlynningar.

Bæði ökutækin voru á norðurleið, rétt sunnan Breiðholtsbrautar, þegar slysið varð. Þeir sem urðu vitni að slysinu eru vinsamlegast beðnir um að hafa samband við lögregluna í síma 444-1000 en einnig má senda upplýsingar í tölvupósti á netfangið abending@lrh.is 

Ökumaður BMW-bifreiðarinnar er sérstaklega hvattur til að gefa sig fram en hann ók rakleiðis af vettvangi.

Umferðarmerki fyrir blinda ökumenn !!

Frá Frumherja hf.

Ný verðskrá fyrir ökupróf tekur gildi 10 apríl n.k. Breytingin kemur til vegna hækkunar á neysluvísitölu síðustu 12 mánuði og nemur hækkunin 6,4%. Innifalin eru umsýslugjöld US, 800 kr. skrifleg og 1.600 kr. verkleg. 

 
Bóklegt próf fer úr 2.900kr í 3.000 kr

Verklegt próf fer úr 8.000kr ís 8.400kr

Verðskráin tekur gildi þann 10. apríl n.k.

Margir óku án bílbeltis

Þótt mikilvægi bílbelta sé flestum ljóst eru enn margir sem hirða ekki um að nota þennan sjálfsagða öryggisbúnað, segir í frétt á vefsíðu Lögreglunnar á höfuðborgarsvæðinu. Gögn sýna að líkurnar á því að slasast í umferðinni eru margfalt meiri meðal þeirra sem nota ekki bílbelti. Þetta er rifjað upp því í gær og fyrradag stöðvaði lögreglan nokkra tugi ökumanna sem notuðu ekki bílbelti. Hinir sömu eiga 10.000 kr. sekt yfir höfði sér, sem er reyndar aukaatriði. Aðalmálið er að ökumenn spenni alltaf beltin.

 Þrír þessara ökumanna voru jafnframt með barn í bílnum en í öllum tilvikum var öryggisbúnaði þeirra áfátt. Yngsta barnið var í barnabílstól sem var laus í bílnum en ökumaðurinn reyndist ennfremur sviptur ökuleyfi. Bíll hans var kyrrsettur en hinum ökumönnunum tveimur var leyft að halda för sinn áfram eftir að viðeigandi ráðstafanir höfðu verið gerðar. Barnaverndaryfirvöldum var tilkynnt um málin.

Ungir ökumenn eru að jafnaði sakaðir um að vera þeir vestu í umferðinni
Endilega lesið þessa frétt og sjáið aldurinn á ökumönnunum.

Innlent | mbl | 4.4.2012 | 16:08

Fimm sviptir ökuréttindum

Frá Suðurgötu.

Fimm ökumenn voru sviptir ökuréttindum til bráðabirgða í gær og fyrradag en þeir voru allir staðnir að hraðakstri á Suðurgötu við Skothúsveg í Reykjavík. Bílar fimmmenninganna mældust á 66-70 km hraða en þarna er 30 km hámarkshraði. Ökumennirnir, fjórir karlar og ein kona, eru á aldrinum 37-62 ára.

Bifreið sem ölvaður ökumaður ók aftaná en sem betur fer var lítið um meiðsli...
EN ÞAÐ ER SJALDNAST !! (tengist ekki fétt)

Ofurölvi kona tekin úr umferð

Frétt á visir.is

 Mynd Hari visir.is

Eru sektir á íslandi nógu háar til að virka sem fælingarmáttur.
Sá þetta á facebook hjá vinkonu í noregi. 
Men i alle dager, 5.200 kr. bara hvis man glemmer ett stopskilt!
5200 kr norskar samsvara til 116.000 kr íslenskum en hún vissi ekki hvort að því fylgdi líka punktur. Sama brot hér kostar 15000 kr og 2 punkta í ökuferilsskrá.

Spurningin eigum við að hækka sektir til að fækka brotum.

Þverbraut umferðarlög á meðan hann talaði í síma

Braut flest lög sem hægt er að hugsa sér á einu bretti

Sigurður Mikael Jónsson mikael@dv.is

15:22 > 20. febrúar 2012

Ökumaður við hugann við annað en aksturinn. Braut flest umferðarlög sem hægt er að hugsa sér á einu bretti.

Lögreglan á höfuðborgarsvæðinu stöðvaði um helgina karlmann á fertugsaldri sem á einu bretti þverbraut fjölmörg umferðarlög á ferðalagi sínu um götur borgarinnar.

Á meðan maðurinn talaði í farsíma án þess að nota handfrjálsan búnað færði lögreglan til bókar á hann svigakstur, ranga akreinanotkun, vanrækslu á merkjagjöf og akstur gegn rauðu ljósi. Þegar maðurinn var stöðvaður kom einnig í ljós að hann var ekki að nota bílbelti.

Lögreglan hafði einnig nóg að gera við að fjarlægja skráningarnúmer af bifreiðum en rúmlega hundrað ökutæki, víðsvegar í umdæminu, reyndust ýmist ótryggð eða óskoðuð. Lögreglan hafði að auki afskipti af um hundrað stöðubrotum ökutækja um helgina.

Ný stundartafla frá Ökuskóla Suðurnesja gildir frá 27 feb 2012 til 10 maí 2012.
Stundarskrá fyrir vor 2012

Ökumaður á bráðabirgðaskírteini sem fær 4 refsipunkta í ökuferilsskrá skal sæta akstursbanni og fara á sérstakt námskeið. (gott myndband)