Fékk ökuskírteini þremur dögum áður en hann olli umferðarslysi Vísir Innlent 05. júlí 2011 10:39
Áreksturinn var harður. Kona á fertugsaldri liggur á gjörgæslu eftir slysið. Mynd Villi
Það var sautján ára ökumaður sem olli slysi við Gullinbrú í Grafarvoginum á föstudeginum en kona á fertugsaldri liggur þungt haldin á gjörgæslu eftir áreksturinn.
Samkvæmt tilkynningu frá lögreglu er slysið rakið til hraðaksturs en ökumaðurinn fékk ökuskírteinið sitt þremur dögum fyrir slysið samkvæmt tilkynningu frá lögreglu.
Ungi ökumaðurinn var að aka suður Gullinbrú þegar hann missti stjórn á ökutækinu sem fór þá í hliðarskriði yfir á gagnstæða akbraut og lenti framan á bifreið sem ekið var til norðurs.
Fjórir voru fluttir á slysadeild en beita þurfti klippum til þess að ná tveimur farþegum út.
Málið er enn í rannsókn samkvæmt upplýsingum frá lögreglunni á höfuðborgarsvæðinu.
