Ökuskóli

23.05.2011 12:23

Vistakstur

Vistakstur er akstursmáti sem stuðlar að bættu umferðaröryggi en ekki síst eldsneytissparnaði. Með því að læra og temja sér vistakstur má spara allt að
10 - 15 % eldsneyti. Umferðaröryggið felst í því að með vistakstri þarf ökumaðurinn að vera meira vakandi fyrir umhverfi sínu til að ná árangri.

Ég hef sótt námskeið og aflað mér kennsluréttinda í vistakstri. Þannig að ef þið hafið áhuga á að kynna ykkur vistakstur endilega hafið samband.

Written by Karl Einar

13.05.2011 12:33

Ólöglega lagt.

Ólöglega lagt.
Hef verið að velta því fyrir mér af hverju íslendingar séu svona duglegir að leggja ólöglega. Helst vilja þeir leggja eins nálægt þeim stað sem heimsækja á. En það sætir furðu hvað fólk leggur ólöglega nálægt líkamsræktarstöðvum og fara svo inn og hlaupa jafnvel tugi kílómetra á brettum. Hvernig væri að leggja aðeins lengra frá og líta á það sem upphitun að ganga í stöðina.

Dæmi: tók þessa mynd í morgun við líkamsræktarstöð og sá fitt og flotta frú skokka með skóna sína í stöðina.

Ef þessi bíll væri bíllengdinni aftar þá væri honum rétt lagt og skyggði ekki á gatnamótin.

Hinu megin á horninu var svo þessi upp á gangstétt og á frárein.

Written by Karl Einar

02.05.2011 18:33

Ofsaakstur

Nú þegar byrjar að sumra þá koma mörg vélhjól á göturnar og þá þarf að hafa augun betur opin.
En vélhjólafólk munið að það gilda sömu umferðarlög fyrir ykkur líka, akið af skynsemi.

Innlent | mbl | 2.5.2011 | 17:30 | Uppfært 18:24

Upplestur á frétt

Tekinn á 181 km hraða á Suðurlandsvegi

mbl.is/Júlíus

Ökumaður bifhjóls var stöðvaður af lögreglu á 181 km hraða á Suðurlandsvegi eftir hádegi í dag. Atvikið átti sér stað á vegakafla á milli hraðaeftirlitsmyndavéla í Ölfusi og ók ökumaðurinn í vesturátt.

Hann sinnti strax stöðvunarmerkjum lögreglu og var boðaður á lögreglustöð þar sem hann var yfirheyrður. Að því loknu var hann sviptur ökuréttindum til bráðabirgða og var hald lagt á bifhjólið á meðan rannsókn stendur yfir.

Í framhaldi verður tekin ákvörðun um það hvort bifhjólið verður gert upptækt.

Written by Karl Einar