Ferðaðist vítt og breytt um landið og svindlaði á bílprófum fyrir aðra

VísirErlent25. mars 2013 21:54
 

20 bíla árekstur í Fossvoginum

Árekstur 20 bíla varð á Hafnarfjarðarvegi, við Fossvog, skömmu eftir klukkan hálfellefu í morgun. Tveir tækjabílar og sjúkrabílar frá Slökkviliði höfuðborgarsvæðisins eru á leiðinni á vettvang, en einhver slys urðu á fólki.

Ekki er vitað hvort einhver slasaðist alvarlega.

Samkvæmt upplýsingum frá slökkviliðinu er búist við umferðartöfum á þessum slóðum næstu tvær klukkustundirnar af þessum sökum.

Margir hafa fest bíla sína á Hafnarfjarðarveginum og þarna er "gríðarlegt öngþveiti" samkvæmt upplýsingum frá slökkviliðinu.

mbl.is í morgun

Mér þykir þetta alltaf jafn skemmtileg sjón ;) Allir svo fínir og vel sjáanlegir NEMA FYRIRMYNDIRNA skyldi maður ætla. Er kannski ekkert kúl að fara í vesti þegar maður er orðinn fullorðinn.... Hvað finnst ykkur....?

 21. janúar 2013

 Breytingar á reglum er lúta að ökuskírteinum

tóku gildi 19. janúar s.l., sbr. reglugerð nr. 27/2013 um breytingu á reglugerð um ökuskírteini

Gildistími:

Ökuskírteini sem áður voru gefin út til sjötugs verða nú gefin út til 15 ára í senn, þó aldrei lengur en til 70 ára aldurs. Þetta á við um ökuréttindi á fólksbifreið, létt bifhjól, bifhjól og dráttarvél (flokkar B, BE, AM, A1, A2, A og T).Gildistími allra annarra ökuréttindaflokka s.s. stór ökutæki og leigubíla (C1-, C-, D1-, D-, C1E-, CE-, D1E- og DE-flokk) verða áfram 5 ár eins og verið hefur.

Skírteini sem voru í gildi fyrir 19. janúar mun þurfa að endurnýja fyrir 2033, þó svo að gildistími þeirra sé lengri.

Bifhjól:

Nýr flokkur bifhjóla bætist við og aldursskilyrði til að aka stórum bifhjólum breytast:

1. Nýr réttindaflokkur bifhjóla bætist við, A2-flokkur, sem er bifhjól upp í 35kW.

2. Aldursskilyrði fyrir

o A1-flokk breytast ekki, verða áfram 17 ár en aldursskilyrði fyrir

o A2-flokk verður 19 ár.

o A-flokk. Til að öðlast ökuréttindi á aflmeiri bifhjól en A2-flokkur felur í sér þarf annaðhvort

§ að hafa tveggja ára reynslu á bifhjól í A2-flokki og því er það í fyrsta lagi 21 árs eða

§ að vera orðinn 24 ára.

Reynsla á bifhjól í AM- og A1-flokki telst ekki með í þessari tveggja ára reynslu.

Munum að reiðhjól er ökutæki og hefur sama rétt og aðrir í umferðinni.
Endilega horfið á þetta myndband þá sjáið þið hvernig ekki á að haga sér gagnvart hjólreiðarfólki.
Virðum hvort annað í umferðinni burt séð frá því hvort við séum gangandi, hjólandi eða akandi.


Gefið hjólreiðafólki pláss í umferðinni

Þessi frétt er ekki óalgeng.

Eina ráðið til að forðast svona óhöpp er að vera á vel búnum bíl og fara rólega.

Þrjár bílveltur á Reykjanesbraut

Reykjanesbraut. mbl.is/Rax

Enginn slasaðist alvarlega í þremur bílveltum á Reykjanesbraut á fjörutíu mínútum í morgun. Slökkvilið höfuðborgarsvæðisins varar ökumenn við fljúgandi hálku sem er á veginum.

Varðstjóri hjá slökkviliðinu segir að fyrst hafi verið tilkynnt um bíl utan vegar í Straumsvík. Þrír voru í bílnum en meiðsli þeirra voru aðeins minniháttar.

Sjúkraflutningamenn voru varla komnir í hús þegar næsta tilkynning barst en hún var á sama stað. Einnig voru þrír í þeirri bifreið en enginn slasaðist.

Að lokum barst þriðja tilkynningin um bílveltu en þá var einn í bílnum og komst sjálfur út úr honum.

Þreyttur ökumaður út í móa

Lögreglunni á Suðurnesjum barst um helgina tilkynning um undarlegt aksturslag á Reykjanesbraut. Þar hefði verið í gangi eins konar svigakstur á vegkaflanum milli Voga og Grindavíkur. Fylgdi sögunni að ökumaðurinn hefði ekið bifreiðinni út af veginum og eitthvert út í móa.

Lögregla hóf þegar að leita bifreiðar og ökumanns og fann hvoru tveggja á vegslóða við Vogana. Ökumaður tjáði lögreglumönnum að hann hefði verið orðinn mjög þreyttur og því farið út af Reykjanesbrautinni til að leggja sig, sem var vitaskuld hið eina rétta í stöðunni.

Hrina umferðaróhappa í hálkunni

Mörg umferðaróhöpp hafa orðið á Suðurnesjum á undanförnum dögum, sem flest hafa orðið vegna hálku. Ökumaður missti stjórn á bifreið sinni á Grindavíkurvegi með þeim afleiðingum að hún hafnaði skilti utan vegar. Önnur bifreið hafnaði á kantsteini af sömu sökum og urðu skemmdir á hjólabúnaði hennar.

Á Reykjanesbraut missti ökumaður stjórn á bifreið sinni vegna hálku og hafnaði bifreiðin utan vegar eftir að hafa rekist utan í aðra bifreið. Fjórðu bifreiðinni var ekið á ljósastaur á Grænásvegi. Auk þessa varð minni háttar árekstur í Njarðvík í gær og tilkynnt var til lögreglu um skemmdir á bifreið eftir að ekið hafði verið utan í hana. Sá sem þeim olli lét sig hverfa af vettvangi.

Nú er úti eðal aðstæður fyrir hálku!

Endilega horfa á þetta myndband